((.. باب الحارة الفلسطيني .. )) حارتنا ومشاكلها

[القدس النا]

باب الحارة الفلسطيني
\\
//
\\



//\\



السلام عليكم و رحمة الله و بركاته ..
اليوم رح خبركم عن حكاية ..
حارتنا

هيي حارة غير عن كل الحارات ..
تعو حبايبي شوفو القصة ..!!
.
.
.
.

كان ياما كان ..!!
كان في هناك ..
الشاطر هنية و الشاطر عباس ..!!
كانو تنينتهم اخوة ..
من إم اسمها فلسطين ..
و الاب هوي الاسلام ..

كبرو هالاخوة ..
كبرو كتر خير الله و بلغو مبلغ الرجال ..!!
لقيو الوطن ضايع ..
مشيو ..
في طريق الوطنية و كل واحد حطلو بصمة ..
ما شاء الله ..

لف الزمان ..
و صار كل واحد عقيد حارة ..
و كل واحد معو شلة

صحينا لقينا باب الحارة مفتوح ..!!
و الحارس مقتول ..
و لا حول و لا قوة الا بالله

صارو ..
يتطاوشو ..
و بنادقهم بدل ما تطخ العدو يلي بتربص بيهم ورا الباب ..!!
صارت بنادقهم تتوجه صوب ..
قلوب بعضهم ..
و كل واحد فيهم للتاني يتربص ..
صارو عن بعض اغراب ..!!
و كل كلمة ليها الف معني و حساب ..



و صارو نسوان الحارة يبكوو ..
مسا و صباح ..!!

هلأ نسينا الوطن و القضية و همونا و دمنا ..
و صار اكبر همنا ..
مين اللي يقدر يلم فلوس اكتر ..!!
ولا العدو خلص لتبدأ ..
تصفاية الحسابات ..
قولولي ..
كيف الله بدو ينصرنا علي العدو ..
ازا صرنا نحنا في بعض نطخ..!!

ما تعلمت انتا و ياه ..!!
انوا لمن بموت اخوك و صاحبك و حبيبكـ ..
انوا انتا ..
قتلت امك في اليوم الاف المرات ..!!

نسيتو ..
انوا بالحارة نساء و كهول و اطفال .. !!

تعو شوفوا عمايلكم شو عملت فينا ..
صرنا نشتري بدمنا ..
كل شيئ ..
حتي صرنا نشتري الهواء ..

ما بزعل لمن ازعر يقتلو العدو الحقيقي ..!!
لكن بطق لمن اخ يقتل اخوه ..
زكرتوني ..!!
بقابيل و هابيل ..
فعلن التاريخ بعيد نفسه و لف الزمن ..
و دار ..
صدقوني ..
بكتب و انا متوجع مكسور القلب و الخاطر ..!!
و ما بكتب ..
الا لأن الشيئ عن حدو زاد ..!!

بكفي ولدنه و لعب صغار ..!!
فوق انتا و ياه ..
صدقوني ..
علي هالحال بتبكي ملائكة السمااا ..
و اهتز عرش الرحمن ..!!

فوق انتا و ياه التاريخ ما بنسي و لا برحم ..
كمان ..
شو رح تقولو بكرة للاله ..

رح ..
تصيرو تلبس طرح و عبايات ..
مش انتوا و بس ..!!
كل من شارك في هاللعبة من القباضيات ..!!

كفاكم حبا بالله ..

فوقو - اعقلو - افهمو .. فما يحدث الان بنا فعلا غضب من الله عز وجل ..!!

ابعد شوي عن تحزبك
وبغض النظر انو تكون فتحاوي او حمساوي
فكر شوي بكرا لو اخوك حمساوي
بيهون عليك تقتلو ؟؟؟؟
او لو اخوك فتحاوي يا ابن القسام
بيهون عليك تقتلو ؟؟؟؟؟
يعني فكر شوي شو بدو يصير بأمك لما تشوف ولادها بيقتلو ببعض
يا اخي منك الو استحيو على دمكم

و ان ..
ظل حالكم علي هالحال ..
والله ما نشوف خير
طول حياتنا بنسمع وبنقرأ وبنشوف
عمرنا ما شفنا دولة منقسمة وبتنتصر على اعدئها

الرسول كان همو الاكبر والوحيد انو يوحد امة الاسلام
بالله عليكو وين احنا من هدا الكلام

لا تقولي بدي وحده وما بعرف شو
كزا بنص عينو اللي بيقول هالحكي
انتو بمكه حلفتو انتو الاتنين كزب
بدكم هسا تعملو حوار

اكتر من 200 واحد من الطرفين راحو غير اللي مقطعين ومرمين بالمستشفيات
شو بدكو تقولو بكرا لربنا
غلطه ولا كنا مخدوعين ولا ولا ولا ....
لا تقولي مسلم وما بعرف شو
الدين بيقول لما يجي واحد يقتلك بتغلق على حالك بيتك وبتقعد
وان دخل بيتك اقعد بغرفتك اللي بتصلي فيها
هيك الاسلام بيقول

عمر الدين والاسلام ما قال انو اتغدى في قبل ما يتعشا بيا

و بالنهاية ..
ما بعتب عليكو كتير ..!!
الاب مات - و حارس الضيعة مات - و مات الضمير ..!!
واللي بيحكمونا بأعتقادي انهم اطفال
في حضانتين متجاورتين ارسلة اليهم استاذه
والكل يسعى للحصول على رضا هذه الاستاذه

و نسيتو باب الحارة مفتوح ..!!
كل يوم
بفوتو منو الاعداء ..!!

لسا
المواطن اللي متلي ومتلك
بيستنى حل
والله لما سمعنا انهم اتفقو في مكه
والله الواحد فرح فرحه ربنا اللي بيعلم بيها
اكيد كلكم لاحظتو على التلفزيون
كيف كانو مع بعض
بالله عليكم
كل واحد من حماس فكر انو يقتل واحد فتحاوي بس بعيدا عن كل الدنيا
يختلي بنفسو ويفكر ليش ؟؟؟؟؟؟؟؟؟؟؟
وتاعون فتح كذلك
يا اخي ما راح تخسر شي
فكر لما بكرا اللي قتلتو انتا وياه
لما يجي يوم القيامه
ويقول لرب العباد
سله لما قتلني يا الله
شو بدك تقول
عشان هنيه قلي اقتلو ولا عشان دحلان قلك اقتلو

يمكن موضوعي ما يلاقي صدى من الاعضاء
بس بالله عليكو وبحلفكو بالغليين
انا ما بدي اقلب المنتدى حزبي
انا هاي قضية كل واحد عندو ذرة خوف على قضية نضال الها من الازل
فكر ما تضيعها بلحظة غباء

بالاخير بدي
قول
بالله عليكم ما ينحدف الموضوع
حتى لو ما لقى صدى واسع من الاعضاء
خليه
بكون عملت اللي علي
وربنا يفتح بصيرتنا
ونرى الحق حقا ويرزقنا اتباعه
والباطل باطل ويرزقنا اجتنابه

تقديرى

القدس النــــــــــــــــا

الامضاء
طالب يأمل بتغير الحال
تحياتى لكم من القلب

[susa]

شكرا لك
موضوع رائع

والى الامام

[القدس النا]

شكرا على المرور

اتمنى من الجميع قرأة الموضوع وما يتهون فيه
موضوع رائع ويستحق المتابعه

[عــــــلاء الثــــائـر]

السلام عليكم ورحمة الله وبركاته

مشكور اخوي القدس لنا على الموضوع
الرائع
للاسف هذا هو حالنا الذى نعيشه الان
قتل فلتان امنى جوع تشريد ضياع
لا يوجد مستقبل لاطفالنا ولا يوجد
امن لهم
لا من اليهود ولا من ابناء جلدتهم
واخيرا نقول الهم اصلح حالهم
الهم اهدهم
الهم عليك بمن ظلمنا يا الله
واسمح لى اخى ان اترك الصور تتكلم
فهى كفيله بالتعبير عن حالنا












البعض منا لا يعرف من هائولاء الشهداء

انهم اطفال بعلوشه الثلاثه الصغار

طالهم رصاص الفلتان الامني





وهذه الطفله ايمان حجو طالها رصاص الاحتاتل الاسرائيلي





تحياتي اخوكم علاء الثائر

[وسام محمد]

اشكرك على موضوعك الرائع بجد هذا هو حالنا بالضبط وان شاء الله تتحسن الاحوال عن قريب وارجو التقدم لك في كتاباتك كي نستفيد منك

[**alwa3d**]

ايا فلسطين من يهديك افئدة......ومن يعيد لك البيت الذي خربا
طلعت فوق رضيف الدمع باحثة.....عن الحنان ولكن ما وجدت ابا

اخي والله اني رايتك واصفا للحدث واصفا بقصتك كل الواقع
سلمت يداك على هذه القصه التي والله تقشعر لها الابدان
لانها فعلا قصة ماساويه
ما نملك غير ان نتوجه الى رب العرش العظيم لنقول اللهم اهدي
قلوبنا وارحمنا واهدنا الى طريق الصواب اللهم انك انت الغفور الرحيم

[القدس النا]

السلام عليكم

والله عجز لسانى عن الشكر مروركم رائع واكثر من رائع انتم اعضاء مميزين
نعم اخى علاء هده هو حالنا وشكرا لكل من عبر وابدع بتعبيره


تحيات القدس لنا

[النسر الذهبي]

الله الله الله
الله عليك يا القدس لنا
حكيت كل القصه والحكايه

لكن مازلنا بنقول الله كريم
وربنا يهدي الجميع
ويحسو بالمشكله الكبيره
الى بتواجهنا الى اكبر من المناصب واكبر من كل شي
ويتوحدو لمواجهه العدو الحقيقي

وحسبي الله على كل ظالم وكل اعداء السلام

مهما كتبت من كلام لا استطيع التعبير عما بداخلي

يسلمووووووووو اخي
لاتحرمنا جديدك

[yhh_2007]

القدس لنا...موضوعك عالوجع بس شو طالع بايدنا نعمل!!!
غير انه نحكي الله بعين والله يغير هالحال للاحسن...هدا هو كل الي بقدر نعملو ندعي الله انه يغير هالحال
والله بعين

[jumana]

كتير الحكاية بوقتها لانا نسينا شو عملو قادتنا الرئيس الغالي ياسر عرفات والقائد الأسد احمد ياسن وتركنا الساحة للمغتصب ياخد شو بدو ونحنا بس بنفكر كيف بدنا ننتقم من بعض

في قدس بتنادينا
في فلسطين بتبكي لاجل عنينا

بتمنا انو نحن نبدا بالتغير لانا نحنا الشباب ونحنا الفئة المثقفة الي العالم هتعاتبنا نحنا