من حكايا ((ستي الختيارة))

[عطــ اللوتس ــر]

بسم الله الرحمن الرحيم
أعجبني موضوع وحبيت أنقلو على هذا القسم
ان شاء الله تشاركوني فيه
هوي ((حكايا ستي الختيارة))
كل يوم حكاية
ولهذه الحكايا
معاني واضحة
وجليّة معبّرة
الحكاية الاولى
لا تسرقوا البسمة
عن شفاف النجوم
وتوضعوا حاجز
على سفر القدوم
وتجعلوا التاريخ
طابع للبريد
وتلبسوا لثوب
عيري ما بدوم

تـــــــــ ح ـــــــــياتي
للجميع
انتظروني في قصة جديدة

[عــــــلاء الثــــائـر]

مشكورة اختي ام فادي
نحن علي موعد
مع التميز والابداع
تقبلي مروري اختي

[عطــ اللوتس ــر]

علاء الثائر
سلمت وان شاء الله أرفع من قدر هذا الصرح الجميل
وأتمنى تشاركني بقصة
حلوة
من تراث غزة الحبيبة
دمت انت وبلدك عاليا

أح ـــــــــــــترامي

[عطــ اللوتس ــر]

((الحكاية الثانية))

مخيمي أنا


مخيمي أنا
ربي أطفالو
بابي زينكو
بيوقع لحالو
وسلطان الأذاعة والجريدة
إبنك سويسرا
مخزون مالو
يا سنديانة بتذكري
سنين المطر
ونسمات نعسانة
من أمواج البحر
وكانت أجبالي تنام
إبحضن الشمس
وليلاتنا تغفى
على خد القمر


تـــــــــــــــــــــــــــــــــــــــــ ح ــــــــــــــــــــــــــــيتي

[ta7di20]

دائما نتظر منك التميز اينما وجدتي
مختارتك رائعه
ازا كان هناك عنوان للتميز فانتي ام فادي عنوان التميز
تقبلي مروري واضافتي المتواضعه عبر متصفحك الرائع
لكي مني جل الاحترام والتقدير

[خليلي وافتخر]

موضوع رائع
يسلمو دياتك اختي ام فادي

[عطــ اللوتس ــر]

~~~الحكاية الثالثة~~~

نسمة وطن

بحبك
يا نسمة وطن
مليانة عبير
حب البلابل
للمياه وللشجر
يا ناعمة وأنعم
من ثياب الحرير
يا صافية وأصفى
من ألوان البحر
بحبك
قد ما الطير
بجنحو يطير
يا جبال فيها الحب
والليل أناسر
عم تسكريني
بالجمال وبالعبير
وعم تغمريني بلطف
أحلى من الوتر
لولاك...
ما كان الشرق
واعي وبصير
وما كانت الغيمات
تلفي ع الوطن
والأرض تفتح صدرها
لحب المطر


..
..
..
..
..
..
..
تحيتي

[ta7di20]

حكايا ( ستي الختياره )

يوميات عامل فلسطيني

يا حلالي يا مالي
محدش داري بحالي
عايش عمري يوم بيوم
وما بعرف وجه اطفالي
طاع نازل نص الليل
مضلش من حيلي حيل
عم بركض ورا اللقمة
حياتي مثل طراد الخيل
باص يودي باص يجيب
باص يوصل باص يغيب
ومبكره زي امبارح
والكل بينهش زي الذيب
ومن الورشة للفرشة
ومن الفرشة للورشة
والزوادة خبز وبيض
أو حبة كوسا محشي
وع باب المصنع يستنا
الخواجا اللي مشغلنا
والمصنع كبير كبير
بيسرق العمر منا
هاللقمة مجبولة بدم
والعيشة احزان وهم
ورغيف الخبز بزغر
وكل سنة طفل بينضم
مش عارف شو هالعيشة
هي هي العريشة
مثل ريشة بوسط الريح
الله يساعد هالريشة
مين يعاتب مين يلوم
قضيت العمر مهموم
بدي ارجع لأرضي
ثوب العيرة ما بدوم
ويا حلالي ويا مالي
محدش داري بحالي

[عــــــلاء الثــــائـر]

وما كانت الغيمات
تلفي ع الوطن
والأرض تفتح صدرها
لحب المطر

كل الشكر اختي ام فادي
ام فادي
ابداع
تميز
عطاء بلا حدو د
وفقك الله اختي لما يحب ويرضي

[عطــ اللوتس ــر]

حكايا ستي الختيارة

هزي غربالك هزي

هزي غربالك هزي
وطعمي الجاجة والوزة
ومدي قمحات البيدر
من الناقورة لغزه
هزي القمحة المليانة
من غماري وبستاني
واوع تخلي زوانة
شدي الهمة واعتزي
قمح البيدر هالأصفر
مثل الذهب لمكرر
كرمالو بدي أسهر
تاتعيش الأرض بعزه
ونادي إمي الختياره
وجيبي صبايا الحارة
من حصاده وغماره
ومن قبل الصبح فزي
وشدي العصبة ع قبالي
وحطي حمالك ع حمالي
حالف لزت عقالي
لو سبقتيني بهزه