ليش بنحب رام الله

[العندليب الاسمر]

لانه في رام الله الواحد بتطلع من الكوفي شوب عشان تروح ع مطعم و بالعكس
لانه في رام الله ما بتحتاج لموعد مع اصحابك لانك كل يوم بتشوفهم
لانه في رام الله اطيب ناس
لانه في رام الله اول واحد بهنيك في رمضان صاحبك المسيحي
لانه في رام الله في عيد الميلاد اول واحد بيهنيك صاحبك المسلم
لانه في رام الله كل الناس بتحب بعض بس ما ابتتدخل في بعض
لانه في رام الله البنات حلوات بدون عمليات تجميل

لانه في رام الله ممكن انك تنبسط وما تصرف الا شيكلين ( أبسر )
لانه في رام الله ممكن تفطر فلافل وتتغدى اكل صيني وتتعشى بيتزا ايطالية
لانه في رام الله بتعيش احلى شتا و بتصيف احلى صيف
لأنه في رام الله احلى شباب و الطف صبايا
لأنه في رام الله بتشوف الناس رايحة على شغلها الصبح وطالعة تسهر بالليل
لأنه في رام الله بتكزدر في ركب وبتاكل بوظة ركب وأروع قعدة في ركب
لأنه في رام الله اول ما اتروح عند صاحبك بدخلك ع المطبخ وبطعميك من اكل بيتهم
لأنه في رام الله اول ما يدخلها الجيش كل الشباب بتضربهم حجار واول ما يطلعو بروحوا يريحوا في المقاهي والمطاعم
لأني لو مش من رام الله لتمنيت اكون منها

أسباب أخرى..

لأنه في رام الله الكل متواطئ على سماع فيروز الصبح

لأنه في رام الله بس بتدفي قلبك بشيكل ازا شريت كيس فستق محمص وسخن

لأنه في رام الله بس رح تسمع الكلمات القروية بلهجة اجنبية

ناولني كرسي >> give me a تشرسي

لأنه في رام الله بطير نص الراتب بدون ماتحس فيه وحضرتك مبتسم

لأنو في رام الله ثوب مطرز فلسطيني اصيل ...

لأنو أسماء الاشارة برام الله فريدة من نوعهاهيذا وميذا وهمّا

لأنه في رام الله كل الناس بتستنى بعض عند البنك العربي حتى الاجانب

لأنو في رام الله 4 من 5 من اصحابكشعراء او صحافيين او الهم تجارب واهتمامات ادبية

لأنو في رام الله ازكى معجنات بالتاريخ .. كل التحية للشهباء وبنت الشام

لأنو في رام الله اي واحد اتعرفت عليه ع المسنجر بتلاقي بكزدر بشارع ركب

لأنو رام الله مدينة حزينة يوم الخميس بكونو اهل الشمال روحوا

لأنو هون مابتعرف وين بتخلص رام الله وبتبلش البيرة

لأنو برام الله وانت نازل بشارع المنتزه ,, بترتدلك الروح

لأنو فيروس الحب منتشر برام الله .. وكل الناس مزكمين

لأنو في رام الله الكل بيدخن غولواز أحمر يعني باختصار مثل دخانك وبالتالي

ما راح تنقطع ولا يوم من سيجارة

ولأنو في رام الله في اشي أسمه رام الله التحتا ويا عيني على رام الله التحتا وأحلى الناس

ولأنو في رام الله ريحة شجر وورد الياسمين ولا في الخيال

ولأنو في رام الله في كثير ذكريات لا بتزهق ولا بتمل وانت بتتذكر

مرة هون صار كذا وهناك شفنا فلان وكان مش عارف شو ماله

دخيلك يا الله طيب يعني لو رام الله مش مهمة ومش حلوة على قولة وحدة صاحبيتي كان الله

[العندليب الاسمر]

ندنا نتشرف في ردودكم

[عطــ اللوتس ــر]

مشكوووور كتيييير

لموضوع مكررر
وللأسف ما حبيت رام اللله
لأ سباب الشخصية
كما قلت على الموضوع أول مرة




مبادرة جميلة

تقبل مروري بحب

[العندليب الاسمر]

لم اكن اعلم ان الموضوع مكرر

[حياه الروح]

شكرا على الموضوع

انا ما بحب رام الله مش حلوة
اريحا احلى

[دارين]

تحيتي لأهل رام الله

أرجو الانتباه أكثر عند طرح المواضيع

لأنه مكرر

[جمال ابو لطيفة]

يسلمووو
على هالموضوع وعلى رام الله
الي بحكي عنها مش حلوة بكون .........؟

[بسمة فلسطينية]

يسلموو عالموضوع عنجد ...ورام الله ما في متلها ..!!

بس ما فهمنا القصد يعني من الاخر.......؟.؟؟

؟؟؟؟؟؟

[الاوائل]

لو لم تكن رام الله من مدن فلسطين الحبيبة والقريبة الى الله
ما كان اسم الله مرافق لها في كل ذكر تذكر فيه
رام الله

من توأم رام الله _ بيت لحم
لك مني
أرق تحيه

[الامل]

ليش بنحب رام الله

لأنه في رام الله الواحد بيطلع من الكوفي شوب عشان يروح ع مطعم و بالعكس

لأنه في رام الله ما بتحتاج لموعد مع أصحابك لأنك كل يوم بتشوفهم

لأنه في رام الله أول واحد بهنيك برمضان صاحبك المسيحي

لأنه في رام الله في عيد الميلاد أول واحد بيهنيك صاحبك المسلم

لأنه في رام الله كل الناس بتحب بعض بس ما بتتدخل في بعض

لأنه في رام الله ممكن انك تنبسط وما تصرف إلا شيكلين

لأنه في رام الله ممكن تفطر فلافل وتتغدى صيني وتتعشى بيتزا ايطالية

لأنه في رام الله بتشوف الناس رايحة على شغلها الصبح وطالعة تسهر بالليل

لأنه في رام الله بتكزدر في ركب وبتاكل بوظة ركب وأروع قعدة في ركب

لأنه في رام الله أول ما تروح عند صاحبك بدخلك ع المطبخ وبطعميك من أكل بيتهم

لأنه في رام الله أول ما يدخلها الجيش كل الشباب بتضربهم حجار وأول ما

يطلعوا بروحوا يريحوا في المقاهي والمطاعم


أسباب أخرى ....
لأنه في رام الله الكل متواطئ على سماع فيروز الصبح

لأنه في رام الله بتدفي قلبك بشيكل ازا شريت كيس فستق محمص وسخن

لأنه في رام الله بس رح تسمع الكلمات القروية بلهجة أجنبية give me a تشرسي

لأنو أسماء الإشارة برام الله فريدة من نوعها هيذا وميذا وهمّا

لأنه في رام الله كل الناس بتستنى بعض عند البنك العربي حتى الأجانب

لأنو في رام الله أي واحد اتعرفت عليه ع المسنجر بتلاقي بكزدر بشارع ركب

لأنو رام الله مدينة حزينة يوم الخميس بكونو أهل الشمال روحوا

لأنو هون ما بتعرف وين بتخلص رام الله وبتبلش البيرة

لأنو برام الله وأنت نازل بشارع المنتزه ,, بتردلك الروح

لأنو فيروس الحب منتشر برام الله .. وكل الناس مزكمين

لأنو برام الله الخضرجي بحبك تاكل كويس، عشان هيك ما ببيعك إلا بالرطل

لأنو ازا انقطعت من المصاري إلا ما تلاقيلك صاحب يدفع أجار الطريق

وإذا ما لقيت اركب السرفيس وحيتخانقوا 3 عشان يدفعو عنك


دمتم لي اخوتي

الامل