فلسطيني ........... ممنوع تعيش ؟

[كـريـم]

.ExternalClass .EC_hmmessage P{padding:0px;}.ExternalClass EC_body.hmmessage{font-size:10pt;font-family:Tahoma;}

فلسطيــــــــــــــني...
ممـــــــــــــــــ ن ــــــــــوع
تــــــــــ ع ـــــــــــيش..!!!
؛؛؛؛؛؛؛؛؛؛؛

فلسطيني ممنوع تعيش
قالولك اسكت ما تحكيش
انت خلقت للتلطيش
للحواجز للمعابر للتفتيش
كتبوا علي جبينك ينداس
من الضابط للشاويش
فلسطيني قالولك ممنوع تعيش
فلسطيني ممنوع تثور
و مش مسموح تكون مقهور
اياك تطالب بحقك
اوعك بيوم تشوف النور

؛؛؛؛؛؛؛؛؛؛؛


ممنوع تجدد هويه
ممنوع تجددبسبور
فلسطيني و بدك تتعلم
هاي الشغله ضد الدستور
فلسطيني لازم تتألم
من دون ما يشوفك دكتور
فلسطيني ممنوع تتظلم
و لا يطلع بجناحك ريش
فلسطيني ممنوع تعيش

؛؛؛؛؛؛؛؛؛؛؛


فلسطيني بكل المطارات
اسمك بالاحمر مكتوب
و على شباك مصلحه الجوازات
كتبوا علي جبينك مطلوب
لازم تتوقف ساعات
مذنب او مندون ذنوب
و يتوجه الك اتهامات
انك سبب كل الحروب
كأنو بسببك الحق مات
و العدل بارضك مسلوب
و كأنك سبب النكسات
و كل ازمات الشعوب
و كأنو بسببك مجرم فات
على جنين بلحظه الغروب
و دبح صبيان و بنات
و عجز على امرها مغلوب

؛؛؛؛؛؛؛؛؛؛؛


مع انو الحقيقه
انا الي بالدنياضحيه
عملتوني ماده للغنى
و قضية للي ما عندو قضيه
انا الي راسي ماإنحنى
بوجه الريح القويه
انا الي شعبي صمد
في الضفه و بالرشيديه
اناالي شعبي انتفض
و بحجر حارب دوريه
اليوم و بكره و للابد.

[إيمي]

كلمات رائعه اخي كريم

شكرا لك على طرحك لمثل هذه الكلمات

يعطيك العافيه

تحيتي لك

[عطــ اللوتس ــر]

ههههههههههههههههههههههه
بالناقص من هالعيشة
عيشتهم همي احسن
والله ما بنسى كلمات الشاعر
ناجي صبحة
عندما قال رثاءا في
أسد وادي الشعير
ظنوا انك قد فنيت وانهم باقون بعدك
لم يعلموا ان الاله اصطفااك حباك مجدك

[نسرين]

حقا فلسطيني ممنوع تعيش

[نسرين]

انسينا نشكرك هههه مشششششكووووور اخي كريم