اللغة الانجليزية

[رقيه]

صباح الخير كيفكم ساعدوني انا في الانجليزي مش كتير شو اعمل خايفة احمل المادة

[ياسمين23]

بسم الله الرحمن الرحيم
انا متلك اختي خايفه منها بس انا بختلف عنك باني حملتها مرتين بس ما تشائمت وبدي انزلها على الصيفي ان شاء

الله

والله يوفقنا جميعاً

[shadiashqar]

مرحبا
انا مسجل هادا الفصل انجليزي 2 ، بس اخباركم ما بتخلي الواحد يتفائل ، اشي خايف واشي حاملها مرتين ، الله ينجحني وينجحكم ، انا شايف انو مادة انجليزي 2 صعبة شوي ، لانو ما في شرح للقواعد ولا باي شكل ، كمان القواعد عامة ومتشعبة وكتيرة ، يعني اول وحدة في المادة بدها اسبوعين دروس قواعد عشان بتطرق لمواضيع كتير ومتعمقة شوي ، حاولت ادرس من كتب القواعد الخارجية بس زهقت ، لانو اشي كثير عشان هيك رح اتركها ع الفاينل ، واللي بوقع من السما بتتلقاه الارض .
بس بدنا شوية تشجيع

[البلعاوي]

اخت انا نزلتها الفصل الاول وانا كمان طالب جديد وكنت خايف منها لدرجة ما تتصوريها لكن الحمدالله درست ونجحت وانا بالمرة في الانجليزي وانا هسا بدرس انجليزي 2 خليكي متفائلة وصابرة صدقيني حتنجحي

[صقر الجنوب]

خيتي الك كل الاحترام هالمادتين يلي الكل بتعقد منهن انا طالب بجامعة القدس المفتوحة واخدت الماديتن وبدرس انقلش بالمادة الاولى جبت 93 والتانية جبت 97 والماديتن ولا اسهل منهم بس بدهم شوية متابعة وشوية تركيز ورح ان شاء الله تكوني من الاوائل

كل الاحترام وشكرا لكم وربنا يوفقكم

[جلباب مسلمه]

وانا نزلت انجليزي واحد وتنين والحمد لله نجحت فيهم
يعني انتي ركزي على القواعد والكلمات الضد اوبوزيت
وعلى الجمل الموجوده بالكتاب يعني افهمي الانجليزي فهم اكيد رح تنجحي
ادرسي اسئلة سنوات سابقه
ههههههه تعرفي يوم امتحاني النهائي جابولنا اسئله مكرره من اسئلة سنوات سابقه نفس الاسئله يعني كاينين مصورين الورقه
لهيك ركزي عليهم
وان شاء الله بتنجحي

[jamila]

اي طالب او طالبة عندها صعوبة في المادة انا مستعدة للمساعدة او اجابة اي سؤال ...اخي صقر انت شو تخصصك

[ابو ميس]

خيتو أنا صقر الجنوب وتخصصي لغة انجليزية سنة تالتة وضايل علي فصل وصيفي بخلص من الجامعة ومن موادها

يلا سلام

صقر الجنوب فلسطين

[jamila]

اخ صقر ازا في امكانية اتساعدتي في مادة الvocabulary بكون شاكرة الك

[رهف الاحاسيس]

الصراحة انا كمان تخصصي انجليزي والمادتين هدول سهلات كتير بس بدهن متابعة مع الدكتور بس

كيف لو شفتو مواد التخصص شو بدكن تعملو

ياريت الي تخصصو انجلش وحل تعيين مادة الvocabulary ياريت يبعتلي حلو ولكم جزيل الشكر