الفارسة في ضيق فمن هو الصديق ..!

[الفارسة]

السلام عليكم و رحمة الله و بركاته

بصــراحة أوشكنا على آخر الفصل و الكل مشغول
امتحانات .. واجبات .. عروض .. و أبحاث .. و تقارير
و حالة طواريء فظيعة

عن نفسي عندي كتير و صار لازم أبلش شغل من بعد أخيرا ما خلصت امتحانات
أحد الأمور اللي لازم أشتغل عليها
عرض بوربوينت مستند لبحث عن قضية من اختياري
طبعا هاد البرزنتيشن رح يكون لكورس قضايا معاصرة و اللي هوة عبارة عن متطلب دخول تخصص الترجمة يعني مش أي كلام لازم نزبط حالنا
هالكورس كله عروض و شغل و أفلام و من خلال شغلك بتتقيم

طرحت الدكتور عدة مواضيع .. لكن ليش الحكي ما بحب أكون متل غيري
بدي أعمل شيء مميز لذا رح أختار موضوعي بنفسي
فكرت .. و طلع معاي
1_كافتيريات الجامعة و دورها في التفاعل الإجتماعي بين الطلاب ( موضوع من ضمن المواضيع المطروحة)
2_ أو البوابة الأكاديمية
اللي هية عندنا بجامعة بيرزيت اسمها رتاج

دروكم بيبدأ إنكم تعطوني أكتر قدر ممكن من المعلومات عن البوابة الأكاديمية لجامعتكم حتى أقارن بينها و بين رتاج
و الشغلة بدها شغل كتير
ممكن أنزل خصوصي على جامعتكم أوزع استبيان عشان اعرف أكتر عن البوابة الاكاديمية و دورها في تسهيل حياتكم الجامعية .. هل بتحسوها بتسهل عليكم أو بلا فايدة
هل بتتبادلوا اعلانات و رسائل و ملخصات مع دكاتركم عبرها ولا لأ ... الخ

إزا قدرت أجمع معلومات كافية عن الموضوع رح أختاره و إزا ما قدرت رح اختار الموضوع الأول و أوزع استبيان بجامعتي و أعمل مقابلات مع الطلاب و الموظفين و العاملين بالكافتيريا و ألتقط صـــور

بتقدروا تساعدوني لإختيار الموضوع الثاني ؟!

[الاميرة]

بالتوفيق عزيزتي الفارسة

[mahmasri2006]

فعلا الصديق وقت الضيق

انا عن نفسي اعدك بان اقدم لك كل العون والمساعة التي استطيعها

وممكن اوظف خبرتي في البور بوينت لمساعدتك في التصميم

وممكن اجاوب على اي سؤال تحتاجيه واكون بعرف جوابه

بس نصيحتي الك ريحي راسك وخذي كفتيريا الجامعة عندكم

الا اذا كنتي مصممة على الموضوع الثاني

فكلنا معك

ابشري يا اختاه

[الفارسة]

الأميرة عزيزتي شكرا لمرورك و بانتظار عودتك ..
أخي
mahmasri2006

بجد شكرا كتير على مرورك و استعدادك للمساعدة .. بارك الله فيك
هوة انا بصراحة ما بعرف شو بدي أسئل عن البواية لأني ما بعرف شي عنها
دخلت هلأ على يوزر أخوي بجامعة القدس ..
بتختلف عن بوابتنا بصراحة
لكن عم بحاول أطلع عليها و أشوف كيف وضعها

بس يعني من الأسئلة
أديش بتسهل عليكم هاي البوابة مثلا ؟
احنا عنّـا اسمها رتاج .. فهل عندكم إلها إسم ولا بس البوابة الأكاديمية ؟
متاح المراسلة بين الطلاب عبرها ولا بس من الجامعة للطالب ؟
التسجيل بيتم عن طريقها ؟
حل التعيينات ؟
الاستفسار أو مراسلة دكتور المادة ؟
العلامات بتنزل التعيينات و علاماتهم و النهائي عالبوابة
لطلاب سنة أولى أكيد كانت البوابو شي جديد عليكم كيف عرفتوا تستخدموها ؟
كان فيه لقاءات ارشادية ؟
و يعني ملعومات من هالنوع


أخي في الحقيقة هوة الموضوعين بدهم شغل بلاوي و العرض مش مسخرة يعني

ازا عملت عن الكافتيريا احنا عنا

مجمع رئيسي بمبنى آل مكتوم اسمه

و كافتيريا خاصة للموظفين في ذات المبنى

و عنّــا كافتيريا بكلية العلوم

و أخرى في كلية التجارة
و عنّــا كافتيريا قيد الإنشــاء في كلية الآداب

لازم بكلا الحالتين أوزع استبيان .. رح أطبع 100 نسخة بس للأسف بالعربي عشان أضمن الكل يفهم شو بيجاوب
و رح يكون لدكتورة المادة و طلابها نسخ انجليزية
بدي التقط صــور بالكافتيريا و هاي مش عارفة كيف بدي أعملها شكلي بدي أخلي حدا يعملها عني هههههه
بدي أعمل مقابلات مع طلاب و طالبات بالكافتيريا و خارجها
اعرف أديش بيقضوا وقت كل يوم فيها .. تعرفوا على حدا ما كانوا يعرفوه قبل بالكافتيريا أو لأ
شو دورها الاجتماعي باعتقادهم
و من هالحكي

مش بس هيك كمان مع الموظفين بالكافتيريا تبعهم !
و كمان مع العاملين بالكافتيريا نفسهم !
و بعدين حلل بيانات و طلع نسب الاستفتاء
و بعدين عرض بوربوينت
و وقف أعرض و بدك تدير بالك عالوقت
ووووو .....

الشغلة بدها تفرغ و المشكلة انه عندي بحث تاني كمان لازم اشتغل عليه
بدي أسلم كل شي قبل زنقة الفاينل

شكله رح نقرر الموضوع الأول بس برضو بدكم تساعدوني شوي فيه
الله يجيب الله فيه الخير
شكرا لإستعدادك..
امتناني
الفارسة

[دارين]

الفارسة .. على الرحب والسعة

نحن في الخدمة

أقدم وصف لـــــ :

بوابة الجامعة الأكاديمية ... خلال التصفح

لاحقاً للتطور السريع الحاصل في مسيرة الجامعة الأكاديمية والإدارية، وتوسعها وانتشارها الكبير داخل وخارج الوطن، وزيادة عدد الدارسين، حيث أصبحت الجامعة تستوعب حوالي 40% من طلبة التعليم العالي في فلسطين، برزت الحاجة الملحة إلى ضرورة إيجاد بيئة تعليم إلكتروني أو ما يدعمها.

تهدف بوابة الجامعة الأكاديمية إلى دعم بيئة التعليم الإلكتروني، وزيادة فرص التواصل بين كافة القطاعات في الجامعة من مشرفين أكاديميين، ودارسين، ودوائر. وتعتبر البوابة الأكاديمية وسيلة مساندة للمشرفين الأكاديميين والدارسين في مواجهة الصعوبات والأوضاع الداخلية في فلسطين، التي تشكل عائقاً أمام الدارسين من الوصول إلى الجامعة والالتقاء بالمشرفين الأكاديميين، وتجدر الإشارة إلى أن عدد الدارسين في جامعة القدس المفتوحة، الذين يمكنهم استخدام البوابة، وصل إلى أكثر من ستين ألف دارس ودارسة.

توفر البوابة الأكاديمية العديد من الخدمات الدراسية والأكاديمية للدارسين والتي تمكنهم من الحصول عليها مباشرة من خلال الإنترنت مثل:

• جدول اللقاءات الأسبوعي.
• ملخص البيانات الفصلية.
• العلامات.
• جدول الامتحانات.
• التواصل مع المشرفين من خلال المراسلات.
• مواد دراسية مساندة.

كما يتمتع المشرف الأكاديمي أيضا بمجموعة من الخدمات التي تسهل عمله، وتزيد من فرص التواصل مع الدارسين، مثل:

• جدول اللقاءات الأسبوعي.
• التعيينات وإجاباتها النموذجية.
• قوائم الشعب وطباعتها.
• إدخال العلامات إلكترونيا وطباعة الكشوف.
• التواصل مع المشرفين الأكاديميين الآخرين ومع الدارسين.

كما توفر البوابة العديد من الخدمات الإلكترونية لدوائر مختلفة في الجامعة، كدائرة شؤون الطلبة، ودائرة القبول والتسجيل، ومديري المناطق التعليمية والمراكز الدراسية، ودائرة العلاقات العامة وغيرها.

الدائرة المعنية
معظم دوائر جامعة القدس المفتوحة، وخاصة الدائرة الأكاديمية.

ميزات وخدمات

• معلومات الدارس

• 
  
  تتضمن علامات الفصل الحالي، وملخص البيانات الفصلية، والخطة الدراسية وتفصيلاتها، والمقررات المجتازة، والمقررات المقترحة، وجدول اللقاءات الأسبوعية، وجدول الامتحانات، والتعيينات، وروابط لمنصة ابن سينا الإلكترونية والمقررات الإلكترونية، وروابط لعدد من المكتبات الإلكترونية العالمية.
• معلومات المشرف الأكاديمي
  
  

  تتضمن جدول اللقاءات الأسبوعية، وقوائم الشعب، وقوائم الدارسين في الشعب وطباعتها، والتعيينات وإجاباتها النموذجية، وإدخال علامات الدارسين، وتمثيل بياني لعلامات الدارسين في الشعب ومقارنتها.
• المراسلات الداخلية
  
  

  يستطيع كل من الدارس والمشرف تبادل الرسائل فيما بينهما لأهداف أكاديمية، مع إمكانية إرفاق ملفات مع الرسالة، كما يستطيع المشرفون التراسل فيما بينهم. من ميزات هذا النظام أنه لا يحتاج إلى خادم بريد إلكتروني وليس بالضرورة أن يمتلك المستخدم عنوان بريد إلكتروني لتبادل المراسلات مع المستخدمين الآخرين، فقط يكفي أن يكون له حساب فعال على البوابة الأكاديمية.
• إدارة المقررات
  
  

  دعم بيئة التعليم الإلكتروني والتعلم عن بعد، من خلال توفر العديد من الخدمات لكل من المشرف الأكاديمي والدارس، ومن هذه الخدمات، حلقات النقاش على مستوى الشعب لمقرر ما، وتتم إدارتها من قبل المشرف الأكاديمي نفسه، وكذلك صندوق الملفات المساندة للمقرر الذي يوفره للدارسين، والتعيينات، والمراسلات وغيرها من الخدمات.
• الأخبار والإعلانات
  
  

  عرض آخر أخبار الجامعة وإعلاناتها لمستخدمي البوابة، بالإضافة إلى إعلانات كل منطقة تعليمية أو مركز دراسي، حيث يستعرض كل مستخدم إعلانات منطقته أو مركزه الدراسي.
• خدمات مديري المناطق التعليمية والمراكز الدراسية والمساعدين الأكاديميين
  
  

  يستطيع مستخدمو هذا النظام متابعة استخدام البوابة الأكاديمية من قبل المشرفين الأكاديميين، كل حسب منطقته أو مركزه الدراسي، بالإضافة إلى خدمات الاستفسار عن دارس، أو مشرف أكاديمي، أو مقرر ما، وكذلك الشعب الدراسية، وطباعة التقارير وغيرها.
• إدارة النظام
  
  

  توفر كافة الخدمات الخاصة بمدير النظام، من حيث إدارة حسابات المستخدمين، والصلاحيات، والخدمات.
• إدارة التقويم والتقارير
  
  

  توفر عدداً من الخدمات الخاصة بدائرة القبول والتسجيل، خصوصاً بما يتعلق بتقويم إدخال العلامات، والتسجيل، وكذلك استصدار تقارير وإحصائيات تهم دائرة القبول والتسجيل.
• خدمات شؤون الطلبة
  
  

  إمكانية إدخال طلبات التحاق الدارسين ذوي الحالات الأكاديمية الخاصة، وذلك من قبل دائرة شؤون الطلبة، ثم استخراج تقارير بهذه الطلبات، وتقديمها لرئاسة الجامعة لدراستها.

التقنيات المستخدمة



فيما يلي أهم التقنيات المستخدمة في بناء النظام:

• لغة البرمجة المستخدمة: J2EE.
• التقنية المستخدمة لبناء الجزء التقديمي للنظام: Struts.
• تقنية بناء الصفحات الديناميكية: JSP.
• المعايير العالمية المتبعة في بناء الصفحات: W3C Standard, CSS.
• تقنية بناء الجزء الخاص بربط النظام مع قواعد البيانات وتمثيلها: Hibernate.
• تقنية بناء التقارير: JASPER.
• تقنية الفحص المستخدمة لفحص منطق وعمل النظام خلال التطوير JUnit.
• التقنية المستخدمة للتحكم داخل صفحات الويب: Java Script.
• تقنية مستخدمة لبناء الشاشات التفاعلية: AJAX.
• برمجيات الخوادم المستخدمة لتحميل النظام وتقديم الخدمة: JBoss + Tomcat.
• نظام إدارة قواعد البيانات: Oracle9i.
• نظام تشغيل الخوادم: Linux Enterprise.
• الخوادم:2 Dell Power Edge 6650 Servers.

المستخدمون

يستفيد من البوابة الأكاديمية عدد كبير من المستخدمين، أهمهم الدارسون والمشرفون الأكاديميون، بالإضافة إلى دائرة القبول والتسجيل، ودائرة شؤون الطلبة، ودائرة العلاقات العامة، ومنسقي البوابة الأكاديمية، ومنسقي التعيينات، ومديري المناطق التعليمية والمراكز الدراسية، والمساعد الأكاديمي، ومدير النظام.

الشاشات الأساسية

• الدارسون: العلامات، وملخص البيانات الفصلية، والمراسلات، وحلقات النقاش.
• المشرفون الأكاديميون: المراسلات، والشعب الدراسية، وجدول اللقاءات، وإدخال العلامات، وخدمات إدارة المقررات.
• مديرو المناطق التعليمية والمراكز الدراسية: تقرير استخدام البوابة، واستعلام عن مشرف أو دارس أو مقرر.
• دائرة القبول والتسجيل: إدارة التقويم والتقارير.

البوابة الأكاديمية (المشرف الأكاديمي)البوابة الأكاديمية (الدارس)

الخطة المستقبلية
تشمل الخطة المستقبلية لبوابة الجامعة الأكاديمية، تطوير عدد من الخدمات أهمها:
- نظام التسجيل عبر الإنترنت.. وقد تم العمل بها منذ سنة -
- نظام إدارة التعلم.

[جيفارا ابن رام الله]

اختي الفارسة بجد احنا بالخدمة وهون بالمنتدياتالقدس المفتوحة ما في خارج التغطية ااي خدمة احنا جاهزين عن نفسي انا شو بقدر اساعد انا جاهز تقبلي كل الاحترام والتحيات

[دارين]

بالنسبة لاسئلتك

البوابة الاكاديمية بتسهل علينا كتير امور

مافي الها اسم الا البوابة الاكاديمية على ما اعتقد

المراسلة متاحة من الطالب للجامعة ومن الجامعة للطالب تشمل المشرفين الاكاديميين

منها الاعلان عن محاضرات تعويضية والاستفسار من الدكاترة من قبل الطالب

والعلامات بتنزل للمادة نصفي ونهائي وللتعينات نصفي ونهائي

بالنسبة لاستخدام البوابة كان ذلك عن طريق قاعات الحاسوب وشرح الاستاذ النا

كمان التسجيل للمواد لكل فصل دراسي بيتم من خلال البوابة الاكاديمية

/

وجاهزة لأي سؤال ؟؟

اتفضلي ... J

[tamallym3ak]

يعني ما بعرف كيف بدي ساعدك
لو انك من بلدنا يمكن قدرت ساعدتك كتير في تصميم على برنامج البور بويت
وعن البوابة الاكاديمية متل ما حكو الزملاء الي قبلي بس نحنا ما عنا فيها توصل بين الاطلاب متل الجامعات التانية
بس بين المشرفين والاطلاب بس فيها اشيا كتير بتسهل علينا ومنها منعرف معظم اخبار الجامعة متل موعد الامتحانات والتسجيل وهيك اشيا
ع كلن انشالله موفقة يارب

[تنهيدة عاشقة]

الفارسة ...
كم اتوق لان اخدمك ... ولكن اخشى على نفسي من الخطا ...
فانا لم اعتد على كيفية التعامل مع جامعتكم ...
ولكن .. تقبلي مني خالص الامنيات وارقها ..
واتمنى لك كل خير ..
بالتوفيق ..

[mahmasri2006]

السلام عليكم

كان بودي اجاوبك عن اسئلتك

بس اختنا دارين وباقي الاخوة والاخوات سبقوني وما تركولي شي

مش مشكلة
خيرها في غيرها

وما زلت عند وعدي

قرري وين رايحة

ونحن معك