الكعب العالي عذرا اخواتي

[البلعاوي]

السلام والعرفان بداية الكلام
السلام عليكم ورحمة الله وبركاته
موضوعنا للنقاش اليوم هو الكعب العالي كثير من البنات بيلبسوا احذية لها كعب عالي ارجوا قبل الدخول بالحديث ان ناخذ حكم الاسلام فيه
الجواب لا يجوز التشبه بالكافرات أو الفاسقات ، وأصل هذا من اليهوديات ، كُنَّ قديماً قبل الإسلام إذا أرادت الواحدة منهن أن تحضر المجتمع الذي يكون فيه عشيقها ، فلكي يراها كانت تلبس نوع من القبقاب العالي ، فتصبح طويلة فتُرى ، ثم مع الزمن تحَوَّل هذا إلى النعل بالكعب العالي ، أما هذا النعل الذي يجعل المرأة – يعني – تتغير مشيتها تميل يميناً ويساراً ، ومن أجل ذلك اخترع الفساق الكفار هذا النوع من النعال ، فلا ينبغي للمرأة المسلمة الملتزمة أن تلبس نعلاً بكعب عالي ، لاسيما في كثير من الأحيان بيكون سبب في إيذاءها ووقوعها على أم رأسها إذا ما تعثرت في الطريق لأدنى سبب .
هسا بدي اسال الكعب العالي لما بتلبسوا هل للموضة ام لضرورة ما
والآن..
أفتح امامكم مجالاً للنقاش..
سؤالي للفتاة.. ما رأيك في حذاء الكعب العالي؟ وما ضرورته؟
وهل ترتديه في قدمك؟
سؤالي للشاب.. ما هي نظرتك للفتاة صاحبة الكعب العالي؟
وماذا تقول لزوجتك أو خطيبتك أو صديقتك في حال كانت من ذوي الكعب العالي؟

وشكراً
تحياتي لكم
البلعاوي

[البلعاوي]

انا شخصيا ما بايد الكعب العالي لانه بطلع صوت مزعج وبعطي تنبيه للشباب انو موجودة بنت وممكن بعض الشباب يستغلوا هالصوت في مئارب عير مؤدبة وللاسف بجامعتنا الكثير اللي بلبسن الكعب العالي والصراحة انا بحاص منه ومن صوته.

[أحلام]

كتير بنات بتلبس الكعب العالي ومش كل كعب عالي اله صوت او ملفت للنظر
في كعب عالي بدون صوت
وبختلف هدف البنات في لبس الكعب العالي ، يمكن اهم سبب عندهم عشان تزيد نسبة الطول
ما بعرف ،، يمكن انا ما بنفع رأيي لاني ما بلبس الكعب العالي
بس انا صوته ما بزعجني ههههههههه
تحياتي وتقبل مروري

[تنهيدة عاشقة]

سؤالي للفتاة.. ما رأيك في حذاء الكعب العالي؟ وما ضرورته؟
انا شخصيا ما بحبه ولا باي شكل من الاشكال .. وما اله اي ضرورة بس اكيد اله اكتير مساوء ..
وما بلاحض اي ضرورة لارتدائه ..
ولكن هنالك نسبة كبيرة من فتيات اليوم يجعلنه موضة الموسوم .. والبعض يتخده عاملا لاعطاء طول مناسب لهنّ
ما بعرف ........

وهل ترتديه في قدمك؟
لأ .. ما عمري جربته اصلا .. وما بحبه متل ما حكيت ...
وبحب السبورت اكتر شي ..

يسلمو اكتير بلعاوي على الطرح الرائع
دمت بخير

[البلعاوي]

[الوردة السوداء]

هو بصراحة يا جماعة انا مرة جربت البس كعب وكنت راح اجي على وجهي بسببو هههههههههههههههههههههههههه
الكعب ما اعتقد انو غلط المهم ما يكونلو اي صوت وبيمشي الحال وبعدين احنا ما بنقدر نمنع البنات يلبسو الكعب لانو نص البنات بيلبسو الكعوب
انا عارفة كل مرة بيطلعولي بشغلة جديدة وبيعملو فيها مفتي الازهر شو هاد والله اشي بيضحك اعتقد انو في شغلات اهم من الكعب العالي نحكي فيها شغلات الي تأثير على مجتمعنا بتغير حياتنا بشكل كامل مش شقفة كعب يعني شو هالشغلة العجيبة كعب؟؟!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟!!!!!!! !!!
وشكرا يا اخي الكريم
البلعاوي
تقبل مروري

[دارين]

لا أرى مشكلة في الكعب العالي

وإذا كان على الصوت المزعج >>> فقط

فالحل موجود في السوق

يوجد الكثير من الأحذية بكعب عالي وبدون بصوت

وإذا كان على آلام الجسم منه خاصة الظهر

فــ أيضاً يوجد كعب عالي مستوي وليس حاد

وإذا كان على صعوبة المشي فيه

فــ يوجد كعب منخفض لمن أراد السلامة

::::

عني ألبس الكعب العالي من نوع " بدون صوت "

في مناسبات مختلفة أغلبهامناسبات الأفراح

::::

وعن الغير فالأسباب مختلفة لكل منهم

وعامل " لزيادة أطول " موجود وأكثره سبب

::::

أشكرك أخي على الموضوع

تحيتي لك

[سيجنال 2]

بالنسبة للكعب العالي

ما بشوف فيه مشكلة

بس لكل اشي لبسو

يعني مثلا الجامعة ما بينفعلها الكعب

العالي نهائيا وخصوصا تبع الصوت

اما باقي المواشير يعني ع حسب

مثلا انا عن نفسي بلبس كعب عالي

بس بصراحة نادرا وخصوصا لما تكون الاواعي عاجباني

كتير والقصة بتكون من تحت يعني ما بتنفع تتقصر

فبلبس كعب بس مش كتير عالي "اصلي قصيرة شوية "

بس كمان الكعب بيقيد الواحد يعني ما بيصح اني امشي فيه كتير

وكمان ما بكون مرتاحة بالمشي بس ما فيش مشاكل

وربنا ما يجيبها وبعدين انا ما بشوف فيه اي مشكلة

وبالنسبة لصوتو فهو مزعج اكيد بالجامعة والاماكن اللي بتشبها

بس بالمناسبات ما بظن انو مزعج لانو يادوب صوتو ازا طلع

بيكون من النوعية المنيحة "ههههه"

وربنا يبعد عنكو جميعا ألم الظهر وتكونوا دايمن معافيين

يسلمو البلعاوي ع الموضوع

[mabsoot23]

طق طق طق طق

مرحبا يا جمااعه

انا ما بسمح لاختي تلبس كعب عالي

لانه ما في اله ولا فائده

يعني ازا لبسته البنت بتلاقي مليون شب بيطلع عليها
لانه صوته بيلع او شي
تاني شي لانه بيخليها تتمايل متل ما قال البلعاوي
تالت شي يعني ازا البنت وقعت او تعثرت بتكون حلوه بحقها
والله مش حلوه

هادا رايي الشخصي
ومشكور خيو البلعاوي عالموضوع الحلو

طق طق طق طق

[محمـــد صباح]

مشكور اخي بلعاوي واتمنى الاستفاده


انا شخصيا ضد هذه الاجناس من الاحذيه ومن تنتعل مثل هذه الاحذيه

فقد خالفت شرع ربها وساءت نظرت الناس اليها




تحيتي لك
ــــــــــــــــــــ
محمد صباح