يا ريت تساعدوني( للاهميه)

[زمرده]

السلام عليكم ورحمة الله وبركاته

مساق اللغه الفرنسيه (1) و(2) مساقات اختيارية تأسيسيه

مين بيعرف ازا بسير ناخدها كمواد حره

يا ريت اللي بعرف يحكيلي للاهميه القصوى

لكم جزيل الشكر

[taleb]

المشاركة الأصلية كتبت بواسطة زمرده

السلام عليكم ورحمة الله وبركاته
مساق اللغه الفرنسيه (1) و(2) مساقات اختيارية تأسيسيه
مين بيعرف ازا بسير ناخدها كمواد حره
يا ريت اللي بعرف يحكيلي للاهميه القصوى
لكم جزيل الشكر

اختي بيصير تاخذيهم كمواد حرة

فأنا درست مقررات
التعايش مع التكنولوجيا
التربية الوطنية
الوطن العربي والتحديات المعاصرة
من المواد الإختيارية

وحسبولي مادة الوطن العربي والتحديات المعاصرة كمادة حرة

يعني بيصير تاخذيهم
وأنا زيك
راح أنزل لغة فرنسية 1
بس كمقرر حر
لإني دارس 3 ساعات مقررات حره
وباقي 3

إن شاء الله أكون أفدتك

[زمرده]

اشكرك اخي على المساعده
فعلا انت وفرت علي وقت وجهد

انت حكيت انك اخدت 3 مواد اختياريه

واكيد طبعا اخدت او رح تاخد الثقافه الاسلاميه اللي هي اجباريه لبرنامج التربيه ولكن بحسبوها انها من المواد الاختياريه

فبالتالي انت بتكون اخدت مادتين اختياري لنفرض الثقافه والوطنيه

فيتبقى لك مادتين الوطن العربي والتعايش مع التكنولوجيا

بهيك انت بتكون خلصت المواد الحره

بتمنى تكون فهمت علي شو قصدي وتراجع خطتك الدراسيه

حبيت الفت نظرك لهالشي

كل الشكر والتقدير مره تانيه على المساعده

[mabsoot23]

الله يوفقكم جميعاا

وفعلا اجمل شي التعاون

ويا رب يديم هالشي بينا

مشكورين لتعاونكم

[taleb]

لأ يا أخت زمردة
كمان مادة الثقافة الإسلامية درستها ومن زمان كمان
هي من أول المواد اللي درستها

ولإني بدرس في كلية التربية
فهاي المادة لا تحتسب من المواد الإختيارية أو الحرة بل إجبارية

علشان هيك أنا ما ذكرتها إمبارح
يعني أنا هلأ دارس

التعايش مع التكنولوجيا
التربية الوطنية
الوطن العربي والتحديات المعاصرة
+
الثقافة الإسلامية

وكلهم خلصتهم

وزي ما خبرتك إمبارح إنو
الوطن العربي والتحديات المعاصرة
حسبولي إياه مقرر حر

[THE LOVER]

مرحبا طالب كيفك

انا بدي انزل التربية الوطنية مادة ثالثة

على الصيفي يا ريت تخبرني عن المادة صعبة سهلة؟؟؟؟؟

[صقر الجنوب]

للاسف لا اعرف
سلامات

[زمرده]

اخي طالب

كلية التربية الساعات الاختياريه المطلوبه فقط 3 ساعات وليس 6 ساعات

لانو بالخطه الدراسيه هيك مكتوب وشوفها ازا بتحب تتاكد على موقع الجامعه

انت بتكون اخدت التربيه الوطنيه ويمكن حسبت اختياري

اما المادتين الوطن العربي والتعايش مواد حره

راجع خطتك بكون احسن

ويمكن انا غلطانه

بالتوفيق اخي

[زمرده]

يا ريت كمان طلب يا اخواني

كم اقصى حد من الساعات يمكن ينزلو للطالب اللي رح يتخرج عالصيفي

ازا حد عندو فكره يا ريت يساعدني

وكمان يا ريت مواد الصيفي في منطقة نابلس

مشكورين كتير

[taleb]

المشاركة الأصلية كتبت بواسطة THE LOVER

مرحبا طالب كيفك
انا بدي انزل التربية الوطنية مادة ثالثة
على الصيفي يا ريت تخبرني عن المادة صعبة سهلة؟؟؟؟؟

أنا منيح يا The Lover
مشكور على سؤالك عني

بالنسبة للتربية الوطنية
المادة حلوة وسهلة
أنا جبت فيها 78

ففي الوحدة الأولى والثانية على ما اذكر بتتحدث عن القضية الفلسطينية بشكل مبسط

وفي الوحدة الثالثة أو الرابعة بتحدث عن أمور إدارية والسلطات ال3 والمجلس التشريعي والمركزي ومهمات كل واحد

والوحدة الأخيرة بتحدث عن الرئيس البطل ياسر عرفات وإنجازاته وعن التراث الفلسطيني وبعض أشهر الأدباء الفلسطينيين

يعني إذا بدك تاخذها صيفي وتدرس فيها عن جد وتعطي المادة وقتها بضمنلك تجيك أعلى مني فأنا كنت منزلها في فصل عادي ومع مواد أخرى

إذا بدك نصيحتي .. فيك تشوف الكتاب على هالرابط عندها راح تقرر

جديد :: ملخص التربية الوطنية 2008 ..