حزيرة في الرياضيات و الشاطر الي بحلها

[a7mad3003]

انا هاي اول مشاركة الي في المنتديات و حبيت احط حزيرة في الرياضيات و الشاطر\ة الي بحلها
في عجوز عندها كمية من الدجاج بدها تبيعهم
اجا عندها ثلاث اشخاص يشترو الدجاجات
الاول اخد نص الي عندها و نص دجاجة
الثاني اخد نص الدجاجات الي ضلو عندها و نص دجاجة
و الثالث اخد نص الدجاجات الي ضلو عندها (بعد ما اشترو التنين )و نص دجاجة
السؤال
كم دجاجة كان عند العجوز مع العلم انه الدجاجات انباعو بدون ذبح ؟؟؟
الجواب سهل بتمنا انكم تعرفوه

[وردة1988]

عدد الدجاجات 15 كما فسرت في المرة السابقة

[a7mad3003]

لا مش 15 احسبها منيح و ان شاء الله بتتوصل للجواب

[وردة1988]

عفوا انا قصدي 11 مو 15
خطأ في الطباعة
ههههه
هيك الجواب بكون صحيح
؟؟؟

[Dead love]

عددهم ممممممم ... يمكن يمكن 5 ..مزبوط ...

مشكور حبيبي..

تقبل مروري واحترامي..

[أماني قواسمي]

الجواب الاكيد عندي
ومش راح تقدر تقوللي خطأ
7 دجاجات

الطريقة :

اذا الاخير اخذ نصف الدجاجات ونصف دجاجة بكون اخذ دجاجة واحدة
واللي قبله اخذ نصف الدجاجات ونصف دجاجة يعني اخذ دجاجتين من الثلاثة
اما الاول اخذ نصف الدجاجات ونصف دجاجة يعني اخذ اربعة من سبعة
اي ان الجواب سبع دجاجات

[a7mad3003]

مزبوط الجواب الصحيح هو 7 دجاجات و نفس طرية الحل الي ذكرته اختنا اماني قواسمي

و بتمنى منكم تحلو الحزيرة التانية الي ذكرتها بالمنتدى

[a7mad3003]

حبيت اطرح عليكم هاي الحزيرة الي مرة حكالنا اياها معلم رياضيات في الصف السادس

و بتمنى منكم انكم تعرفو الجواب

.

.

.

.

الحزيرة

في احد الفنادق كان في عامل ضيافة كل يوم بطلع و بنزل درج

العامل قرر انه يعد الدرجات الي بطلعهم

صار يعدهم

عدهم درجتين درجتين ضل درجة

عدهم 3 درجات 3 درجات ضل درجتين

عدهم 4 درجات 4 درجات ضل 3 درجات

عدهم 5 درجات 5 درجات ضل 4 درجات

عدهم 6 درجات 6 درجات ضل 5 درجات

عدهم 7 درجات 7 درجات ما ضل ولا درجة

؟كم بطلع عدد الدرجات؟

.

.

لما ما تعرفو الجواب بحكيلكم اياه

[أماني قواسمي]

الحزيرة
في احد الفنادق كان في عامل ضيافة كل يوم بطلع و بنزل درج
العامل قرر انه يعد الدرجات الي بطلعهم
صار يعدهم
عدهم درجتين درجتين ضل درجة
عدهم 3 درجات 3 درجات ضل درجتين
عدهم 4 درجات 4 درجات ضل 3 درجات
عدهم 5 درجات 5 درجات ضل 4 درجات
عدهم 6 درجات 6 درجات ضل 5 درجات
عدهم 7 درجات 7 درجات ما ضل ولا درجة
؟كم بطلع عدد الدرجات؟

سؤال حلو وحله بسيط !!!!
الرقم 119
119÷2=59 والباقي 1
119÷3=39 والباقي 2
119÷4=29 والباقي 3
119÷5=23 والباقي 4
119÷6=19 والباقي 5
119÷7=17 والباقي صفر
مع امنياتي لك بالتوفيق يا اخي

[hamza]

السلام عليكم و رحمة الله و بركاته

اخي العزيز : أحمد

كل الشكر و الاحترام و التقدير على هذه الجهود العظيمة

و بارك الله فيك

و جعله الله في ميزان حسناتك

و دمت ذخرا لمنتدانا الحبيب

تقبل مروري