كيف الامتحانات النصفية

[nesreen]

السلام عليكم يا طلاب الاجتماعيات
كيف قدمتوا الامتحانات النصفية ان شاءالله تكون منيحة
احنا كانت الامتحانات جيدة
وشكرا للجميع

[أم نور]

مرحبا نسرين
الامتحانات في غزة كانت جيدة لكن كتير من الطلبة كانوا بيشتكوا ..يمكن لان كان في اشاعة ان الامتحانات حتنلغي مثل الجامعة الاسلامية والاقصى او لانهم كانوا متوقعين ان الامتحانات حتكون سهلة مراعاة للظروف في غزة
وان شاء الله تكون امتحانات النهائي جيدة

[غيداء4]

واللة احنا في فرع القدس كانت الامتحانات التصفية كتير صعب غير كل فصل

[ابو شهد]

مرحبا في الخليل كانت الامتحانات صعبة للغاية بس الحمد الله نريد حلول التعينات مساعدة بعض نشكر الادارة منتدى

[محمود عياش]

مرحبا شباب صبايا الاسئلة النصفية كانت سهلة مو صعبة كثير بس الي بدرس بنجح بتفوق ولي ما بدرس بدو يقول انو الاسئلة صعبة (( وان شاء الله انو الاسئلة النهائية تكون واضحة مو من بين الاسطر))

[احزان جنين]

والله كانت صعبه موت يعني بدهاااااااااااا تعب كتير اتوقعنا تكون سهله نحنا بندرس والباقي على الله

[abowael]

أنا جبت من الأخر وما قدمت الأمتحانات النصفية لأنهم جايبين الأمتحانات في أوقات بعيد عنكم وعن السامعين زي الزفت

عاملين المواد اللي معي الساعة 8:30 صباحاً يعني بدي أقوم من النوم أحلم في الامتحان وفي مواد عاملينها يوم الجمعة هو الواحد ما بيصدق أنوا يجي يوم الجمعة علشان يرتاح من لشغل وقرفه ويصلي الظهر يعني أجازة رسمية لكل فئات الشعب إلا أنها طلاب جامعة القدس المفتوحة مكتوب علينا التعب والشقى بس هالمرة في الأمتحانات النهائية مش منزلين ولا مادة في يوم الجمعة شكلهم أستحوا على دمهم

بس بيظل مشكلة أنوا في مواد بدري الساعة 8:30 صباحاً شو فيها لو خلوا الأمتحانات بتبدأ على ال9 أو ال 10 وبزيادة يوم في الأمتحانات

يعني يخلوا يوم الامتحان بس جلستين أولى وثانية وما في داعي للجلسة الثالثة

[nesreen]

السلام عليكم
احنا عندنا في قطاع غزة قدمنا الجلسة الاولى الساعة 9 علشان ازمة المواصلات
يعني رحمونا شوية بس لكن ضلت عندنا الامتحانات في يوم الجمعة زيكو