للتسجيل عن طريق البوابة التعليمية ..... شرح بالصور ......

[رامي مازن]

بسم الله الرحمن الرحيم

اخواني و اخواتي
في
شبكة و منتديات طلاب جامعة القدس المفتوحة
أصبح الان بوسعنا التسجيل في الجامعة عن طريق الانترنت
بدل من ان نقف ساعة و ساعتين ننتظر في الدور
( هيك احلى صح )
المهم
انا اليوم حبيت اشرح لكم بطريقة حلوه و مبسطة كيف بدنا
نسجل من البوابة
(( و الله يعينني على رفع الصور ... بس كرمال عيونك يا مديرنا
و عيون كل الاعضاء و الزوار ... تكرموا ....))

بسم الله .... و نبدأ

اول شئ لازم نفتح البوابة التعليمية و الموقع الخاص بنا
و طبعا لكل واحد حساب خاص فيه بيقدر يخذه من الجامعة
و هذا الرابط لموضوع قد يساعد في التسجيل للعبور الى حسابك
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

بعد ما تدخل على حسابك
رح تلاقي مثل هذه الصوره


بعد ما تضغط على
التسجيل و الحذف و الاضافة
راح تطلع عندك هذه الصورة



و طبعا كل شئ مشروح عليها

بس تنزل في الصفحة لتحت
راح تلاقي المقررات المطروحة في الفصل القادم
و التي يمكن تسجيلها ضمن الانظمة و القوانين الخاصة بالتسجيل
و طبعا يا معلم راح تكون ملونة
و هذه هي معاني الالوان كما في الصورة التالية



طبعا الله يبعد عنا و عنكم اللون الزهري
(( قولوا أميــــــــــــــــن ))

و بعد ما خلصنا من الالوان
خلينا نرجع للمقررات
قلنا بعد ما تنزل في الصفحة راح تلاقي المقررات ملونة و بتجنن
انتا راح تنقي بعض هذه المواد
و طبعا راح تكون مقسمة الى عدة مقررات
مثل
مقررات تأسيسية أجبارية
مقررات تخصصية اجبارية
مقررات تأسيسية أختيارية
(( يعني مثل ما طلع عندك ))

و للتوضيح أكثر أنظر الى الصوره التالية


طبعا هيك خلصنا من المقررات
و انتا نقي إلي بيعجبك ... ماشي ...
اذا أنزلت في الصفحة لتحت كمان شوي راح تلاقي أزرار
أرميهم على جنب ... ههههههه... بمزح
أصلاً لولا الازرار احنا ما راح نعرف نسجل

و هذه صوره للازرار الخاصة بالتسجيل


طبعا الان راح نشرح كل زر
علشان نعرف نستخدمهم
(( ركزوا معي لانو الموضوع حساس ))


أستنوا ظل زر ... انزل يله ...



طبعا اذا عملت تسجيل و بدك تحذف
بتقدر طبعا
ولكن اذا عملت حفظ تسجيل مش حفظ و تثبيت التسجيل

و هذه الصوره توضح طريقة الحذف


طبعا يا شباب و يا صبايا
ما بدنا ننسى انو نعمل تثبيت للتسجيل
قبل انتهاء مدة التسجيل
علشان ما يطير منا الفصل مع الحمام
طبعا لازم تعمل تثبيت قبل
13/2/2008
ماشي

الان خلصنا من التسجيل و ثبتنا الفصل حلو ....
يمكن يجي واحد يحكي لك
انا مش عاجبتني هذه المادة بدي انزل مادة ثانية
بنحكي له
بعدين معك بدك تشتغل فينا ... بس لا تخاف في شئ اسمه السحب و الاضافة
(( ملاحظة : لازم تكون مثبت التسجيل قبل 13/2/2008علشان تقدر تسحب و تضيف ))
و هذه الصوره للتوضيح


و طبعا في هذه المرحلة بتقدر تسترجع نقودك


أما المرحلة الاخيرة
هي السحب بدون أسترجاع الرسوم
و هذه صوره للشرح عنها


و هيك احنا خلصنا من التسجيل و الحمد لله

أخواني هذه بعض النقاط المهمة التي يجب عليك التقيد بها
حتى لا تخسر الفصل :
1) التزم في مواعيد التسجل .
2) لا تنسى ان تعمل حفظ و تثبيت التسجيل لما تخلص تسجيل
(( طبعا بدك تعمل تثبيت قبل انتهاء فترة التسجيل ))
3 ) اذا بدك تحذف او تضيف طبعا معك فترة معينة
4) اذا واجهة اي مشكلة اتجه مباشرة الى الجامعة
و هي سوف تقوم بحل المشكلة
4) شو بتستنى ؟؟؟؟
روح سجل
و هذا رابط الجامعة كمان (( شو بدكم أحسن من هيك ؟؟؟ ))
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

في الختام ارجوا أن أكون وفقت في الشرح و في افادتكم
وأهدي هذا العمل الى هذا الصرح الرائع
و الى مديرنا الغالي
الاستاذ ابراهيم سدر
و الى كل اعضاء المنتدى و المشرفين

و كل ما اطلبه منكم
الدعاء لي و لوالدي

أخوكم رامي مازن
المراقب العام لبرنامج التقني و العلمي

[ramm13]

شكرا يا رامي مازن على هذه المعلومات التي هي من النظر الاولى تبدو معقدة بعض الشيء ولكن مع التطبيق سوف تبدوا اسهل من الذهاب إلى الجامعة والانظار في طوابير طويلة ..

إلى الامام يا جامعة القدس المفتوحة ..

ومشكور يا رامي

[روابي فلسطين]

ثانك يو رامي على هالجهود الطيبة ان شاء الله الجميع بستفيد ,ولا في احلا من هيك لما قربت اتخرج عملو هالتسهيلات هذا تسجيلي الاخير بأذن الله وعقبال الجميع
وعنجد مشكور اخ رامي
ولا يسعني الا ان ادعو لك ولوالدك بالصحة والعافية ونيل رضى الخالق سبحانة وان يجعل لكما كل ما تحبا
دعوة من قلب صادق باذن الله
مشكور
والى الامام دائما انت ومن تحب***.

[رامي مازن]

اشكركم جميعا على المرور و الرد
و انا سعيد جدا بمروركم

[YASSER2007]

يعطيك العافية يا اخ رامي على المجهود الطيب
ولكن حصلت معي مشكلة انا تتبعت كل هذه الخطوات وقمت باضافة مادة وعند اضافة مادة اخرى تظهر لي رسالة تقول
لقد تجاوزت الحد الاعلى لعدد الساعات المسموح تسجيله 18 ما المقصود مع العلم اني مادة واحدة يلي سجلها
وين المشكلة
بعدين انا مش منزلين لي الا ثلاث مواد (حاسوب - تاريخ القدس - وثقافة اسلامية ) وين باقي المواد

[رامي مازن]

أخي الكريم
انتا كم ساعة منزل لهذا الفصل
؟؟؟؟

[زهرة المدائن]

يعطيك ألف عافية أخي "رامي مازن"
مجهود مميز حقاً
وطريقة سلسة في الشرح


ولكن المشكلة أنَّ الوقت ضيق جداً
لا أدري ما قصة هذا الفصل ولمَ العجلة ؟!!
على الأقل ينتظروه حتى ننهي امتحاناتنا
حتى ننتقي المقررات بتأنٍ

[زهرة المدائن]

يعطيك ألف عافية أخي "رامي مازن"
مجهود مميز حقاً
وطريقة سلسة في الشرح

ولكن المشكلة أنَّ الوقت ضيق جداً
لا أدري ما قصة هذا الفصل ولمَ العجلة ؟!!
على الأقل ينتظروه حتى ننهي امتحاناتنا
حتى ننتقي المقررات بتأنٍ
مثلاً أنا بعد التأجيلات التي حصلت سانهي امتحاناتي في تاريخ 10 |2 إن شاء الله
الوقت ضيق حقاً


والأهم أتساءل إذا نزل جدول الامتحانات للفصل القادم كما اعتدنا
لاني لا اريد التسجيل قبل الإطلاع عليه ؟!!
...

[The knight]

مجهود رائع ومتفاني اخ رامي

وشيء رائع ان يكون لجامعة القدس المفتوحة برنامجا خاصا لهلا للتسجيل عن طريق موقعها على صفحات الشبكة العنكبوتية

وداعا لعناء التسجيل والانتظار

[عاصف فلسطين]

مشكوركتير يا اخ رامي والله يكتر من حسناتك
بجد انت عسسسسسسسسسسسسسسسل