من روائع العندليب الاسمر (فاتت جنبنا )

[zoom]

فاتت جنبنا أنا و هو
و ضحكت لنا أنا و هو
رديت و كمان رديت و فضلت أرد لحد ما فاتت
ونسيت روحى وصحيت
أتاريها خدت الشمس و غابت
وانشغلت وقبل ما يطول إنشغالى
رحت سائل روحى وإحترت فى سؤالى
أنا بافكر ليه و بشغل روحى ليه
أعرف منين إنها قاصدانى أنا مش هو
و أعرف منين ان الضحكة دى مش له هو
وليه أنا ليه مش هو
مرة تانية برضة صدفة
كنت أنا و هو فى طريقنا
شفنا خطوة حلوة جاية
وضل تالت بيسابقنا
التفت لقيتها هيه حاجة مش معقولة هيه هيه
وابتديت اسمع من قلبى لحن حب جديد عليه
سمعت منها كام كلمة ماقلتش منهم و لا كلمة
بس أنا حسيت و لأول مرة بأعيش و أحس
ولقيتنى بدوب فى كلام الهمس اللى مالوش حس
ضحكت تانى نفس الضحكة و راحت ماشية
زى الدنيا ما تيجى فى ثانية و تمشى فى ثانية
بصيت لصاحبى لقيته جنبى و ماهوش جنبى
عايز يقول كلمة اتقالت جوة فى قلبى
كنت عايز أسأله هو كمان حس بيها
وانشغل هو كمان .. ورجعت أقول
أنا بافكر ليه و بشغل روحى ليه
أعرف منين إنها قاصدانى أنا مش هو
و أعرف منين ان الضحكة دى مش له هو
وليه أنا ليه مش هو
روحت أنا روحت .. روحت مش عارف مالى
ماعرفش إيه اللى جرالى
فرحان عايز أضحك مهموم عايز أبكى
لا دموعى طايلها و لا لاقى حتى أشكى
حبيتها أيوة أنا حبيتها .. مش قادر أنسى ضحكتها
مش يمكن دى فرحة عمرى .. والفرحة ماصدقت لقيتها
كان فين اليوم ده غايب عنى
كان فين تسلم لى و تسلم ضحكتها
وبعد يومين ابتدا قلبى .. يصحى من الفرحة و صحانى
يسألنى امتى ح نشوفها .. و أنا أقول له نشوفها فين تانى
و الليالى دوبتنى وشيبت فكرى و ظنونى
لما طيف الغيرة شوفته .. بيترسم قدام عيونى
إن لقيت صاحبى بيضحك أقول دى لازم قابلته
و إن لمحت فى عينه شكوى أقول دى لازم خاصمته
مالقتش طريق قدامى يرحمنى من العذاب
غير إنى أدور و أسأل و أعرف منها جواب...

**************************************
تحياتي
zoom
*************************************

[سيجنال 2]

يسلمو زوووووم

بجد انها رائعة

لاسطورة رائعة

موفق