خاص....لطلاب تخصص تكنولوجيا المعلومات والاتصالات

[سري]

جميل جدا هذا الموضوع


يسلمو ايدين اللي حطوه

انا اول فصل الي بالجامعة كنت بدرس برمجة واول ما نزل هاد التخصص " تخصص انظمة المعلومات والاتصالات " حولت مباشرة لهاد التخصص ... والسبب اول شي مجالاتو اوسع من البرمجة تقريبا .. تاني شي .. متل اتفضلتو انو مش كتير منتشر عنا .. يعني حسبتها لما ينتشر بنكون احنا مؤهلين لهيك تكنلوجيا .. بعدين انا من الاشخاص اللي بحب التكنلوجيا وبتابعها اول باول ..

بعدين شغلة الاتصالات والتكنلوجيا مهمة كتير في حياتنا ووقعنا .. اذا مش اليوم بكرة .. لانو الحياة سريعة واحنا بعصر السرعة والتكنلوجيا .. والواحد لازم يعرف شو بصير حواليه ..

احنا متاخرين يمكن بسبب الاحتلال .. لانو اذا اتفوقنا عليهم باي شي بكون سلاح ضدهم ..

وبصراحة كتير انبسطت لما سمحو للطلاب الفرع العلمي والصناعي الالتحاق بهاد التخصص .. وانبسطت اكتر لما حطو شروط انو لازم الواحد يجيب بمادة مقدمة في الالكترونيات ومادة اساسيات الدارة الكهربائية فوق ال 60 وبمتوسط مجموع المادتين فوق 65

حتى الواحد يعرف شو بدرس .. ويقدر يكمل بهاد التخصص.. انا بعرفدكتوربعطي مواد حاسوب ومواد اتصالات كمان .. بشكي كتيير من طلاب الحاسوب على انهم ما بعرفو كيف يستخدمو الكمبيوتر وهمة تقريبا سنة ثالثة .. بينما دائما بمدح بطلاب الاتصالات .. مش يعني هاد تقليل مقام لطلاب الحاسوب لاسمح الله .. بس يعني لانو الحاسوب مش مقيد متل الاتصالات

مع الشكر والاحترام

[سراب]

اخي العزيز سري
سررت بمرورك وافكارك الجميلة
اتمنى ان تكون من المبدعين في هذا المجال الرائع
واتمنى ان اراك مشاركا دائما في هذا المنتدى وهذا القسم
تحيتي لك
سراب

[سراب]

مسا الخير لطلاب القسم العزيز
اتمنى انها فترة التسجيل مرت على خير والكل سجل ومافي مشاكل
مالكم الكم فترة ما بينتوا ياجماعة خليكم منورين المنتدى دايما
ما تطولوا علينا وخبرونا بكل شي جديد عندكم
تحيتي
سراب

[احمد صلاح]

والله ياسراب خربانة والكل مشغول بالدراسة
والكتب عاملالنا ازمة
حاولت لكن مافي حدا معو اياهوم
شبكات محلية وانترنت
ومدخل للاتصالات التناظرية والرقمية

[سراب]

أخي العزيز احمد صلاح
بالنسبة للكتب يعاني الجميع منها ولكن اخرتها رح تنزل الجامعة ما في مجال
شدوا حيلكم بالدراسة وانشالله بتنحل وبتدبر
ابقوا على اتصال بالمنتدى
تحيتي لكم

[احمد صلاح]

ان شاء الله يااخت سراب
لكن تسكيرت المعابر وفصل غزة عن الضفة
هذا الضرر الاكبر النا

ومن فترة اسمعت الوكالة بدها مهندس اتصالات
او من تخصصنا عشان مشروع بالقدس مابعرف التفاصيل
لكن بامكانك زيارة موقع الوكالة لتعرفي اكتر
بالتوفيق

[سراب]

شكرا كتير يا احمد على المعلومة
مع اني قدمت امتحان فيها قبل هيك وكان الشخص الي بدهم ياه موجود والطلب والامتحان متل غطا
بنجرب مرة تانية
تحيتي لك
سراب

[احمد صلاح]

اه يعني فيتامين واو
العفو بس اتمنى ان تحاولي مرة اخرى
واذا مازبط معك تقلقيش
سجلي ماجستير في الازهر انظمة خبيرة او تجارة الكترونية

وان شاء الله بتظبط هالمرة

بعرف بدها فت عملي كتير بس موفقة يارب

[سراب]

شو ورانا بنجرب كل شي بطلع ادامنا
والماستر بالنسبة اله خلينا ناخد كشف درجاتنا عشان نقدر نقدمه لانه افادة الخريج ما بتزبط لحالها ابدا
تحيتي
سراب

[احمد صلاح]

اكيد ياسراب لازم اطلعيها وبسرعة كمان وتكوني جاهزة لاي مشروع توظيف
ومحضرة حالك
اساسا السهل عدى وراح هلا بلشنا بالحياة والتطبيق العملي
اتمنى الك التوفيق وكل الي معك ولنفسي اتمنى اخلص ونشوفلنا وظيفي تانيي
يرتاح الواحد فيها اكتر او تساعد معو